CYNLLUNIO

Arweiniad pellach i’r strategaeth:

Bydd angen i’r dysgwyr eistedd mewn cylch neu mewn mannau cyfartal o gwmpas y ddesg. Bydd pob llais a chyfraniad yn cael ei werthfawrogi’n gyfartal.

Bydd yr athro’n: 

• Cyflwyno deunydd darllen ar destun arbennig i’r dysgwyr o flaen llaw.
• Gofyn i’r dysgwyr i ddarllen crynodeb o’r testun gan gasglu eu hargraffiadau cyntaf.
• Penderfynu ar feini prawf llwyddiant addas a thynnu sylw’r dysgwyr tuag atynt.
• Mapio’r drafodaeth wrth wrando ar y grŵp.

Bydd y dysgwr:

• Nodi enwau’r dysgwyr yn y blychau o gwmpas y cylch.
• Dewis un dysgwr i fapio’r drafodaeth neu gall pob dysgwr wneud hynny yn eu tro.
• Mapio’r drafodaeth a nodi faint o weithiau maent yn cyfrannu tuag at y drafodaeth.
• Nodi rhif y maen prawf llwyddiant wrth ymyl eu henwau os ydynt wedi ei gyflawni.
• Rhoi adborth ar ddiwedd y dasg gan fyfyrio ar eu cyfraniadau a’u trafodaethau.