DYSGU
PROFFESIYNOL
Dysgu Proffesiynol
Mae rhaglen hyfforddi gynhwysfawr ar gael er mwyn cefnogi eich ysgol i ddatblygu a gwreiddio addysgeg llafaredd Cymraeg yn effeithiol. Mae’r gefnogaeth wedi ei theilwra i gefnogi datblygiad proffesiynol ymarferwyr ac arweinwyr gan arwain at effaith gadarnhaol ar ddatblygiad medrau siarad a gwrando y dysgwyr.
Er mwyn ymgyfarwyddo gydag Ein Llais Ni, awgrymir mynychu o leiaf un sesiwn o’n rhaglen dysgu proffesiynol. Yn dilyn mynychu un o’r sesiynau hyn byddwch yn derbyn gwybodaeth bellach ar sut i gael mynediad at amrediad gyfoethog o adnoddau dysgu proffesiynol. Mae’r adnoddau i gyd yn rhai y gallwch eu haddasu ac yn cynnwys nodiadau cefnogol.
Os ydych yn rhanbarth y gogledd, yna mae ein darpariaeth ar gael drwy Gynnig Dysgu Proffesiynol GwE.
Yn ychwanegol, gellir teilwra cefnogaeth yn unol â gofynion penodol yr ysgol. Gall hyn fod yn rhoi sylw pellach i rai o’r meysydd a gyflwynir yn yr adran adnoddau dysgu proffesiynol. Defnyddiwch y ddolen Cysylltu â ni i drafod ymhellach.
Rhaglen Dysgu Proffesiynol
Adnoddau Dysgu Proffesiynol
Dyma ddau enghraifft o Adnoddau Dysgu Proffesiynol. Ceir cyfrinair yn ystod pob sesiwn Dysgu Proffesiynol er mwyn cael mynediad llawn at gyfres o weithdai ymarferol y gellid eu cynnal gyda staff.
Cyflwyniad i raglen Ein Llais Ni
Mae’r pecyn hwn yn rhoi trosolwg o’r rhaglen Ein Llais Ni. Mae’n amlinellu pwysigrwydd datblygu llafaredd y Gymraeg ar draws y cwricwlwm ac yn cynnwys adnoddau a darpariaeth i gefnogi staff ac arweinwyr. Bwriad y rhaglen ydy rhoi sylw i ddatblygu addysgeg, ymgorffori strategaethau er mwyn gyrru cynnydd mewn sgiliau siarad a gwrando Cymraeg ar draws yr ystod oed a hynny yng nghyd-destun Cymru a’r Cwricwlwm i Gymru. Mae’r rhaglen yn cynnig sawl ffordd o weithio er mwyn ymateb i anghenion amrywiaeth o ysgolion cynradd, uwchradd ac arbennig.
Creu Gweledigaeth
Bwriad y pecyn yma yw i gefnogi llunio gweledigaeth ysgol gyfan sy’n rhoi lle amlwg i bwysigrwydd llafaredd a chyfathrebu effeithiol. Mae rôl allweddol gan bob ymarferydd i ddatblygu’r sgilau hyn ar draws y Meysydd Dysgu a Phrofiad.
Rhoddir sylw i wybod beth yw llafaredd a chanfyddiadau ymchwil; adnabod cyfraniad llafaredd i’r 4 diben; adnabod cyfleoedd i ddatblygu llafaredd yn y Cwricwlwm i Gymru; adnabod be’ sy’n bwysig i’r ysgol; adnabod geiriau grymus sy’n cyfleu dyheadau’r ysgol ar gyfer llafaredd; codi ymwybyddiaeth o arweiniad a dull gweithredu ‘4 cam athro Ein Llais Ni’.
Ein cyfres o adnoddau dysgu proffesiynol (angen cyfrinair)
