CYNLLUNIO

Arweiniad pellach i’r strategaeth:

Tasg fer fel sbardun i destun newydd. Cyfle i annog siarad ac i ennyn diddordeb disgyblion ar ddechrau gwers.

Bydd llun yn cael ei osod ar y bwrdd gwyn. Gyda phartner, bydd y disgyblion yn cymryd tro i ofyn cwestiwn sy’n codi wrth iddyn nhw edrych ar y llun. Bydd disgwyl i’r disgyblion holi cwestiynau treiddgar wrth i’r sgwrs ddatblygu. Gellir darganfod atebion i’w cwestiynau ar ddiwedd y wers neu uned o waith.

Arweiniad ychwanegol ar gyfer 3-8 oed

Llwybrau Datblygu – cyflawni arferion cyfarwydd ac ymgymryd â rolau wrth chwarae. 

Tasg fer fel sbardun i destun newydd. Cyfle i annog siarad ac i ennyn diddordeb disgyblion ar ddechrau gwers.

Bydd llun/ gwrthrych yn cael ei arddangos i’r dysgwyr. Gyda phartner, bydd y disgyblion yn cymryd tro i ofyn cwestiwn sy’n codi wrth iddyn nhw edrych ar y llun. Gallent dynnu llun o’r gwrthrych yn defnyddio ap megis Bookcreator a thrafod ac ysgrifennu’r cwestiynau o amgylch y llun.  Ar ôl darganfod yr atebion drwy ymchwil gallent ddefnyddio’r ap ‘Chatterpix’ i ddisgrifio’r gwrthrych o safbwynt y gwrthrych e.e. ______ ydw i. Rwyf yn _____ a.y.b.

Mae posib hefyd cynnwys y weithgaredd yma yng nghaffi’r dosbarth a rhoi testun ar y fwydlen iddynt drafod yn ystod amser ffrwyth/ llefrith.