CYNLLUNIO

Arweiniad pellach i’r strategaeth:

Drwy gyfrwng drama, bydd dysgwyr yn ymgymryd â rôl cymeriad. Gall hyn fod yn cymeriad hanesyddol, person cyfoes o’r gymuned neu’n gymeriad ffuglennol. Gall fod yn berson sy’n cynrychioli grŵp penodol neu’n ymgymryd â swydd.

Pwrpas sedd boeth yw er mwyn caniatau i’r dysgwr sy’n ymgymryd â’r rôl i feddwl o safbwynt y person dan sylw. Er mwyn gallu gwneud hyn, bydd angen i’r dysgwyr allu cyfleu gwybodaeth sy’n berthnasol i’r cymeriad. 

Gall y dysgwr ddod at flaen y dosbarth, cyfleu gwybodaeth am ei gymeriad ac yna bydd y gynulleidfa (gweddill y dosbarth) yn gofyn cwestiynau iddo/iddi. Gall hyn ddatblygu yn drafodaeth rhwng y dysgwr mewn cymeriad a gweddill y dosbarth. 

Dewis arall yw i osod y dosbarth mewn grwpiau o bedwar gan roi cymeriad gwahanol i bob grŵp. Bydd yr athro yn cyflwyno datganiad neu gwestiwn i bwrpas cynnal trafodaeth. Yna, bydd y dysgwyr yn trafod hynny o safbwynt cymeriad eu grŵp.

Arweiniad ychwanegol ar gyfer 3-8 oed

Llwybrau Datblygu – Cyfathrebu –  cyflawni arferion cyfarwydd ac ymgymryd â rolau wrth chwarae

Ymgymryd a rôl cymeriad. Gall hyn fod yn gymeriad o hwiangerdd neu yn gymeriad o stori mae’r dysgwyr yn gyfarwydd ag ef.

Pwrpas sedd boeth yw er mwyn caniatau i’r dysgwr sy’n ymgymryd â’r rôl i feddwl o safbwynt y person dan sylw. Er mwyn gallu gwneud hyn, bydd angen i’r dysgwyr allu cyfleu gwybodaeth sy’n berthnasol i’r cymeriad.

Gall y dysgwr ddod at flaen y dosbarth, cyfleu gwybodaeth am ei gymeriad ac yna bydd y gynulleidfa (gweddill y dosbarth) yn gofyn cwestiynau iddo/iddi. Gall hyn ddatblygu yn drafodaeth rhwng y dysgwr mewn cymeriad a gweddill y dosbarth.Dewis arall yw i wneud hyn o fewn grwpiau llai.