CYNLLUNIO

Arweiniad pellach i’r strategaeth:

Gweithgaredd sy’n annog gwaith tîm ac yn hybu gweithio gyda amrywiaeth o ddysgwyr. 

I ddechrau, rhannwch y dosbarth i grwpiau o bedwar. Rhannu cyfres o bwyntiau trafod/gwestiynau sydd a chyswllt efo’r testun dan sylw.

Bydd pob grŵp yn edrych drwy’r rhestr ac yn trafod yr hyn sydd yno yn fras. Yna, penderfynu pwy sy’n mynd i fod yn gyfrifol am bob pwynt – bydd hyn yn dasg neu’n gwestiwn ar gyfer pob dysgwr. 

Ar ddiwedd cyfnod penodol, mae’r athro yn ail-drefnu’r grwpiau ac yn gosod y dysgwyr sydd wedi trafod testun penodol gyda’i gilydd (os ydy’r grwpiau yn mynd yn rhy fawr, rhannwch nhw yn ddau grŵp). Mae 10 -15 munud pellach i drafod y pwynt trafod er mwyn dod i gasgliad.

Yn olaf, mae’r dysgwyr yn dychwelyd i’r grwpiau gwreiddiol sy’n cynnwys ‘arbenigwyr’ fydd yn gallu esbonio eu canfyddiadau neu ganlyniadau mewn manylder er mwyn caniatáu trafodaeth ddyfnach sy’n tynnu ar syniadau’r grwpiau eraill.