CYNLLUNIO

Arweiniad pellach i’r strategaeth:

Nôd y stategaeth yw cyfri hyd at y rhif 20 fel dosbarth wrth i bob aelod o’r dosbarth gael cyfle i gyfrannu un rhif. Mae’r dasg yn cryfhau dealltwriaeth y disgyblion o ofynion cymdeithasol ac emosiynol siarad a gwrando o’r Fframwaith Llafaredd. Mae gofyn i’r disgyblion edrych yn ofalus ar ei gilydd, bod yn ymwybodol o gyfraniad eraill ac aros yn amyneddgar am gyfle i siarad. 

Eglurwch i’r myfyrwyr eu bod nhw fel grŵp yn mynd i gyfrif o un i ugain. Fodd bynnag, ni allant ddatblygu trefn neu system i’w helpu. Yn lle hynny, ar ôl iddyn nhw ddweud un, rhaid i fyfyriwr arall neidio i mewn a dweud dau, tri gan berson arall. Os bydd dau berson yn siarad ar yr un pryd, rhaid iddynt ddechrau eto. 

Mae gofyn bod y dysgwyr yn ymwybodol o’r hyn sy’n cael ei ddweud gan eraill, ac yn ymateb yn briodol. Mae hi’n bosib dechrau’n syml gan gyfri o 1 i 20 yn unig. I ddatblygu’r strategaeth ymhellach, mae posib i’r disgybl sy’n cynnig y rhif, gynnig ffaith berthnasol i thema’r wers hefyd.